七人欖球賽

三月底七人欖球賽,係香港國際盛事,唔少外國遊客湧港觀賽, 各品牌趁機做宣傳。上網租車公司Uber亦趁機宣傳。

三藩市住係人都識Uber。呢家轎車電召Google有份投資,價錢比一般的士貴,預先講好價錢約接送時間,連位置都知道埋,預約好方便。Uber比香港電召的士App好多,但香港通街的士,Uber走高級路線,唔少電召App競爭,殺出重圍真係唔易。

Uber中文名叫「優步」,舊年上海推出,可預約唔同款式汽車。中國唔少大城市搵車好難,Uber開始有捧場客,但競爭極大。不過要Uber就幫到手,條件必須有數據漫遊,香港就有家租手機公司幫到手。

今年七人欖球賽,除咗大戶EMC贊助,仲有一家小公司叫Handy,專門租智能電話俾遊客,每日88蚊包3G無限數據及IDD。Handy手機包括唔少旅遊資料同優惠,主要靠遊客廣告收入,SIM卡只能放在Handy電話中使用。

Handy係香港人Terence Kwok創辦,亦登陸新加坡。舊年Handy亦同美麗華酒店合作,酒店客人可免費獲借本地手提電話,兼可帶出街,接聽酒店房間來電,亦可同酒店保持聯絡,呢個破蓆以前P仔做落,加上Handy導遊資料都齊埋,香港旅遊業利用流動電訊,可謂好有創意。

無線網絡商Aruba委任前中信電訊銷售總經理Kenneth Ma做港澳區總經理,取代過咗去O記賣Linux嘅Barry Lo。Aruba主要靠P仔推,又面對思科及豬扒競爭,真係唔易做。