CMO要識IT

I記媒體及分析師聚會，移師中環雪廠街葡萄牙西洋會所舉行，可能I記中國ITS主管Annabella Yau嘅先生Carlos Fonseca喺葡國人，聽講呢家會所葡菜非常正宗，可惜今次只係酒會，得小食供應。

去到酒會，唔見軟件部Ricky Chung，原來Ricky調職睇大中華區業務，改由Gordon Sit代表軟件部。I記經常調職，唔駛轉工都好有新鮮感，而靚女Wendy Wan又從孖屐亭回歸對外關係部。

今年，老總Tony Tai介紹I記新一年經營理念，就係Chief Executive Customer（首席客戶），客戶對產品服務有極高期待，而從市場蒐集數據愈來愈多，加上社交媒體流行，市務人員追蹤大量數據，可設計出更針對性市務計畫。首席市務官（CMO）嘅IT筆席愈來愈大，即係話將來 CIO可能兼埋CMO份工。數據分析响市務策畫應用普遍。幾年來，I記收購幾十項分析軟件，好適合市場分析，食正條水。

消費者愈來愈要求高，服務個人化，每位客戶期望唔同，唔滿足大家需求，每家公司都講顧客為本（Customer focused），知易行難，第一步係建立數據倉庫，推測客戶行為，投其所好。美國Amazon就從客戶紀錄，主動介紹客戶物品，非常成功。Amazon分析數以億計客戶資料，亦就係利用自家雲運算AWS服務。最近，AWS推出自家數據倉庫服務Redshift，大幅降低數據分析費用；AWS係市場上增長最快嘅雲服務，Jeff Bezos被譽為近代美國嘅商業奇才，當之無愧。

美國唔少人能源研究，利用超電容（Supercapacitor）儲電取代有時唔太穩定嘅鐳電池，呢項技術肯定熱炒。 美國Maxwell Technologies係超電容領先廠商，原來香港鐵路係世界上其中一家採用剎車，回收電力嘅鐵路公司，今日响理工大學舉辦一次技術會議，介紹呢種領先技術。