O記換老頂

最近講起，先知原來O記轉咗新老頂，原本嘅Dennis Yeung已經退休，新老頂叫做William Ho，以前係BEA做過，跟住過檔Yahoo，跟住又返嚟O記做番MD。新老頂上場，一般都會出吓通告，O記真係比較低調。

而O記死對頭咪新GM， PY終於走馬上任，有人玩「估領袖」，話有乜人跟住會加入。知情者嗡咗四個舊HP愛將， 兩位仍然在位，另一位則離開咗JOS，最後一個名字最令人感興趣，就係HP以前PSG嘅Zoe。Zoe係PY時代猛將之一，工作態度令人佩服，拜拜HP後聽講轉咗做「乾收銀」。Zoe同特首愛將「林鄭」一樣，屬於「好砌得」果隻。

即將離開咪記嘅Herman就仍在交接，聽講話會暫別IT行業，返去幫老婆手。同事搞餞別宴，足足搞成六七圍，部分人專程返港，Herman好感動。Herman人緣好好，無架子，所以朋友特別多，希望有機會在IT界重逢。

Windows 7密鑼緊鼓，MSDN即將收到RTM版本，趕住假期前俾廠商出貨，坊間已經出咗唔少秘技書出籠。不過，以Vista嚟講，兼容性令商業用戶卻步，幾多秘技都救唔噃，睇嚟咪記無乜汲取教訓。