Techdays 2009

聽講 話十月份會在港搞 Tech Ed，TechED係針對本地IT業界嘅技術講座，每年吸引過千人參加。不過今年部分地區會改名做Tech Days，香港會係Tech乜就唔知嘞。

今年咪記針對IT專業人員推出好多新優惠。TechDays當然會集中於Windows 7，亦會講Windows 2008 R2同埋，加上Exchange 2010及Office 2010。今年亦會有TechDay嘅Facebook俾大家方便溝通，到時有乜要求可以當面講。不過，咪記亦將網上有關介紹技術短片本地化，請番同聲同氣嘅香港同事，大部分內容變哂番廣東話，以便本地Techie可以直接吸收，每段唔會長過十五分鐘，一杯茶講完。

 Tech ED亦會在本地搞Tech Circle，入咗會可以有免費熱線技術支援。咪記一向設有技術支援熱線，但每次「問功課」，要成二千幾蚊，而家大贈送，有便宜唔駛洗頸，相信肯定入會者眾。不過講人多勢眾，相信都唔會超過今個禮拜嘅電腦通訊節，又係各廠商散貨之時，今年聽講攤位數目超過六百個。大會話嚴禁宣傳女郎行性感，穿三點式，費事大家睇到暈佗佗，亂咁買嘢。