Azure點解？

上星期咪記嘅PDC（Professional Developers Conference）在洛杉磯會議中心舉行，可以話係佢哋每年最大嘅技術會議之一（另外包括Tech Ed（奧蘭多）以及MIX（拉斯維加斯））。

以往嚟講PDC喺傳統上咪記公佈技術方向嘅場面，從COM、.NET、XP、Vista首次亮相都係在PDC，以及今年最多人提及喺Azure，亦即係佢哋嘅雲端運算（Cloud Computing）平台。其餘包括Windows 7（即係Vista嘅下代）以及Web版Office  14。

最多人談論係Azure，但呢個字好艱深，唔明點解，去問咪記嘅Samuel Cheng，佢話即係蔚藍色。Azure可能係指，望出視窗（Windows）見到一片蔚藍，（但如果晴空萬里，咁即係無雲嘞，點叫雲端運算平台，諗落好似又唔係幾好），蔚藍色可能即係要勁過I記（Big Blue）。

不過，咪記無將PDC搬來香港，講起今年講Web技術嘅MIX就好精采，特別係佢哋Web技術專家Harris Chan上台，最尾同煮嘢So蘇絲黃學煮餸，真係笑爆咀。原來Harris嘅响Redmond總部調返香港，以前响華盛頓州西雅圖讀大學，同武打巨星李小龍讀同一家大學，唔怪得上台演技咁好。問真啲，原來佢中學都係同李小龍係師兄弟，不過佢就無學打功夫，去咗搞電腦，一樣咁犀利。