IT保安陸續有嚟

今年首季市況異常動盪，唔少科技公司取消上市計畫。一季內全無科技公司上市，上次係2009年只有金融危機試過。較早前科技股股價大幅波動，市場更憂慮接近調整期，觀望氣氛濃厚。

VC投資IT保安仍然大手筆，舊年底美國Tenable Network Security獲兩家風險投資基金Insight及Accel，合共二億五千萬美金B輪投資，係歷來有數向IT保安最大風險投資，主要用於開拓海外市場。Tenable主要客戶都在美國本土；包括國防部、咪記、BMW等跨國企業，只有三分之一收入來自海外。

Tenable Network Security產品包括Nessus網絡弱點掃描（Vulnerability Scanner），類似Rapid 7。近期保安事故太多，各地監管機構開始要求金融機構稽查保安（Security Audit），確定有幾多弱點，保障客戶資料安全。保安設備整合好困難，即使買齊所有設備，操作上唔協調，或者設定唔妥當，一樣漏洞百出。Tenable可作持續性監察，屬於主動式防禦，決定客觀風險系數，比起遇到攻擊先作出反應，或只係一味購入不同保安設備，效果更勝一籌。

舊年九月香港金融管理局發信要求金融機構正視APT，Fireeye生意唔錯。新加坡Guann亦擴張海外業務。金融機構法規遵從成本上升，可以肯定。

Tenable响香港已經有超過二百五十幾名客仔，中國大陸就有五百家，前年加入Data World做香港分銷。但最近亞太區副總裁Attley Ng剛過檔咗另一家網絡保安NSFOCUS IB，但Tenable又剛聘請咗前F5嘅Robert Healey睇亞太區及日本孖屐亭，Robert通諳日語，經常照顧日本市場。