諾記免費導航

手機巨人諾記公布，所有GPS地圖嘅導航，以後完全免費。諾記嘅GPS支援大部份嘅Symbian電話。最近Smartphone市場競爭好大，Google電話有免費導航，亦加埋部分城市嘅街景。

諾記可以話係前門進虎，後門進狼。iPhone競爭在前，又有Android在後。Window Mobile 6.5亦非省油的燈。不過以導航功能嚟講，諾記OVI真係勁過競爭對手好多。

網上地圖功能，Google同埋咪記都有（咪記而家叫Bing Map），不過前兩者地圖都靠Browser上網，用戶唔記得登出，一路行一路下載地圖，可能要俾唔少數據收費， Brower功能好有限，一旦斷咗線，就唔知自己去咗邊。市面上有軟件可以下載Google地圖，不過好麻煩。

諾記最勁就係，地圖逐個地點城市下載，再靠衛星導航教路，數據下載量少咗好多，尤其去外地，更加唔講得小，OVI導航亦好凖確，加上語言導航有好多國家語言，連男女聲都有得揀，大家可以慳返啲，唔駛去鴨記，嘥錢買祖國嘅GPS。

諾記嘅導航之內亦有好多本地資訊，包括附近油站同停車場。OVI用熟之後，可以話完全唔會蕩失，又有不同方言導航，更可以先在個人電腦嘅IE瀏覽器，預覽四周環境，計劃好行程，然後下載到電話，一路行一路有聲提示，好方便。

手機提供嘅服務，愈嚟愈多，相信Google同咪記，好快會提供地圖下載，大家拭目以待。