網上保安

較早前，美國總統奥巴馬叫細路仔上Facebook小心啲。原來，美國愈嚟愈多僱主同學校，利用Facebook 之類嘅社交網站，請人前先調查應徵者，又用嚟審查申請入學嘅學生，保險公司亦上Facebook睇吓嘅投保人有乜呃錢，上司更用嚟偵察，下屬平時同乜人交往。

不過，你有張良計，話唔定將來有人用Facebook嚟做假，自編自導，究竟Facebook可唔可以用嚟做人力資源盡職調查，真係唔清楚。不過Facebook就升呢咗保安，以免用戶私隱曝光。網上保安愈嚟愈複雜，轉工機會好多。

新年前，見到以前响思科做IronPort嘅Jones Leung，原來轉咗去Palo Alto Networks首位本港員工。其實IronPort係思科買返嚟嘅擋病毒設備，其實幾好賣，思科Trial and Buy計畫做得唔錯，拍乸搵到客仔做POC，唔買都有錢收。Jones以前做過藍衣人，亦幫過PAN嘅亞太區話事人PK Lim。PAN係新一代防火牆嘅代表作，第七層防禦嘅設備，肯定係未來趨勢。

上星期打俾Macroview嘅Reagan Wong，先知佢同一位舊同事拉埋天窗，放緊假。恭喜哂。