CES玩3D TV

年初，唔少一月份開始財年嘅公司，員工都出門參加「銷售踼起」，四圍水盡鵝飛。今年朝聖，經濟又曳，天氣唔好，去美加更苦不堪言。近期唔少老記，飛去賭城參加CES，由於賊過興兵，保安空前嚴密。

今年CES，除咗有谷歌出手機，最有趣都係玩Crossover，包括LG同埋Panasonic推出Skype電視，傾電話做視像會議。唔少廠商趁勢推出3D電視機，效果好逼真。

老友話，返總公司報到，仲要講數。本區經濟好番啲，不過香港嘅公司好容易受Job shift影響；即係跨國客戶外國入單，件貨運入香港，又要香港做售後服務，條數又唔關香港事。

香港係自由港，入口無關稅無限制，唔會對器材規格諸多限制，硬件設備JS特別容易做。但係件貨到香港後，求救無門，於是唔同地區辦公室，事先會講定數，分番啲數俾當地，以免客仔乍型。

PY去咗咪記做總經理，傳聞幾位hp愛將會報到，一位­係以前賣個人電腦PSG「好砌得」嘅Zoe小姐，啱啱終於加盟咗。以前hp做開鐳射嘅Terrence返咗hp，睇埋MFP。