2014年6月4日星期三

中美相爭 殃及池魚


中國反擊美國司法部起訴五名解放軍軍官網絡間諜罪,繼宣佈政府不使用Windows 8,又要求銀行唔使用IBM高端伺服器。之前有傳聞I記同NSA合作,搞到畀退休基金民事起訴。中國經營嘅美資諮詢公司亦無運行,中國政府要求唔好使用類似麥肯錫 (McKinsey & Company)及波士頓諮詢等服務。

上月,I記公布2014年首季業績,收入創五年新低,連續八季下降,主要係伺服及儲存系統銷情麻麻,股價受壓,可謂禍不單行。但I記主機在金融業一向地位穩固,中國似乎暫時無乜產品取代。至於咪記Windows,舊年紅旗Linux都執埋,將來唔通真係用Android做桌面?所有美國科技公司,包括微軟、O記、I記,皆有重大科研投資在中國。美國政府會唔會要求減少有關研究經費?

美國高調支持亞太區盟友,雙方IISS亞太國防峰會針鋒相對,實屬罕見,分析人員甚為擔心。因為美國人一向實際,好少同錢作對,加上美國公司愈來愈多收入,來自對華業務,今次中美關係對抗升溫,一定影響有關公司業務。二月份中國宣佈對美國高通公司進行反壟斷調查,再搞落去,結果不問可知。

美國施諾登事件曝光後,被揭發利用新加坡同南韓電訊網絡,為美國及澳洲竊取情報;間接證明當年阿爺唔畀新加坡收購香港電話,有先見之明。如果今日無華為,相信美國人在電訊業及情報方面,亦可在發展中國家予取予攜。有關嘅網絡間諜指控,遲早影響思科同HP等公司。而美國已禁止政府採購華為設備,又要求南韓唔使用華為設備傳送敏感資料,亦不可用嚟連接美軍基地。

阿里又話籌組美國上市,今次睇呢再添變數。雖然話京東成功上市,但規模不可同日而語。有人話,阿里上市可以為美國產品打入中國市場,中央認為選址美國上市都有好處,中美關係大幅倒退,驚過遇見四十大盗。



沒有留言:

發佈留言