IVE畢業生展覽

上星期,VTC再搞IVE畢業生展覽,响青衣分校舉行,同場仲有職業展覽,香港電腦學會亦同VTC簽訂備忘錄,修讀VTC相關課程可獲香港電腦學會預先批核為為學生會員,會長梁建文話希望學生多多參加電腦學會課程。而唔少本地企業,包括薄餅、PCCW Solutions同FlexSystem,加埋十幾家企業,都在場吸納新血。同場亦見到VMware老總Danny亦向VTC頒發獎項。

梁建文話,舊年電腦學會公佈IT就業及薪酬趨勢調查,IT業內薪酬年度增長率跑贏通脹,希望更多同學可以參予。

VTC有唔少熱門課程,IT就業率非常高,今年亦係中五同DSE兩屆,六間IVE分校資訊科技學生同時一齊畢業;學生作品有虛擬化同統一通訊等熱門技術,青衣同摩利臣山IVE仲有遊戲軟件開發高級文憑,聽聞好受歡迎,同一地點同屬VTC嘅香港高等科技教育學院(THEi),甚至有學位課程,俾取得高級文憑同學直升,校舍基本上同大學無乜分別,仲有國際標準游泳池。

本地IT一向缺乏人材,所有唔少公司一早就卜定位去請人,但係VTC嘅校友事務處亦好積極,一向設有VTC JIS網站畀畢業生搵工,專門做咗流動App畀校友單撈,叫V-Network 2.0,除咗公佈活動,仲有職位介紹,大家想請IVE學生,可以上載職位至VTC JIS網站登記,職位自然會上咗流動App,非常方便。