記者滿天飛

今個星期Computex，可能經濟復甦關係，唔少人去咗台北，加上上海世博，唔少IT公司參與，又搞唔少活動。HP IPG有位美女公關來電，話今個禮拜嘅記者會，竟然送出睇新加坡一級方程式來回旅程，去記招有免費旅遊機會，咁大手筆第一次聽見。唔知會唔會引來大批會蟲，記者會變咗抽獎會？

啤酒邊隻好飲就難講，IT記者可能係全世界飛行哩數最多嘅記者。唔少記者係馬可孛羅銀卡會員，有部分更飛到變鑽石卡，隨時入頭等艙候機室，認真犀利。聽講話本來有部分行程預算去泰國睇廠，不過唔想IT記者變戰地新聞，所以取銷咗。本港嘅新聞發佈，好難搵記者落疊。而家有唔少網上媒體，唔介意博客都可以請埋。

近世界盃，唔少公司趁機谷宣傳，最絕倒係CSL1O1O 同埋one2free，減南非漫遊費用一半。不過有幾多人老年咁遠去南非，真係唔知。不過聽講咪記父親節會推新Office，父親節同Office有乜關係，諗極唔明。

聽Queenie小姐講先知，以前ArcSight咪記嘅Ada，去咗咪記做OEM，專門推銷微軟系統俾嵌入式（即係一般嚟講大家見唔到嘅裝備），Ada以前做過豬扒、Netscreen、 CA、 Sun嘅孖屐亭，不過今次轉行做產品推銷，好大轉變。啱啱有人講起，Websense北亞區經理嘅Catherine小姐亦轉咗工，唔知去邊，記得上次响S3嘅獵頭派對見過佢，果然效力宏大，大家記得閒去雲咸街The Globe嘆番杯啤酒。