新年新希望

新年過後，悲觀情緒無乜改善，不過據專家話，部分集中基建行業仍有增長。雖然係老生常談，不過都可以講吓。呢兩年最有增長潛力係數據中心業務，因為設備集中後可節省開支，經濟下滑，數據中心仲有增長。

數據中心其中一項大開支，就係電力及制冷，其中APC就在UPS，尤其以IP協定控制嘅UPS市場佔有率最大。電源穩定對數據中心好重要，APC幾乎係行內標準。

APC原本由三位麻省理工學生响一九八一年創辦，呢幾位MIT學生原本研究太陽能，後來改為發展電力保護技術，亦即係我吔所謂嘅不間斷電源UPS，終於二ＯＯ六年以六十一億美元天價，賣俾法國嘅老牌工業集團Schneider施耐德電氣，呢間施耐德有一百七十幾年歷史，在電力行業好有名氣，亦曾一度（一百年前）係歐洲軍備同基建工業領導者，二ＯＯ四年收購法國做UPS嘅MGE，兩年後買埋APC，成為全球「冧把溫」。

不過，APC同埋MGE合併後，原來APC大中華區總裁黎麗珍就退休，代之上台係新加坡人邱成弟Alex Khoo，八一年呢位邱先生加入電力設備商Télémecanique，後來八八年Télémecanique俾施耐德收購咗，廿七年來服務同一集團，今年終於成為施耐德關鍵電力及制冷服務（APC+MGE）大中華區阿頭，駐守上海總部。

APC終於由總公司嘅人接管（黎麗珍之前來自MGE），早在預料之內，UPS以及電源調節好緊要，中國內地電力質素同穩定性，比香港相差太遠，呢位Mr Khoo在東南亞發展中國家好有經驗，接管大中華區業務，應該駕輕就熟。

年尾又碰到前HP嘅Terrace Chan，原來去咗Symantec，Symantec在保安同埋基建，包括儲存同虛擬化產品，連做SaaS嘅MessageLabs都收購埋，賣基建產品應該好過打印產品。