咪記執位

上星期最多人講，當然係咪記執位，Peter Yeung做Simon Leung副手，坐咗原總經理Herman Lam嘅位置。PY以前做hp老頂，做事好有系統，井井有條，同商界高層關係匪淺。聽講搬去中環中心，就係佢拍板決定，估唔佢離開，hp最終又打回原形，返番去太古城。

PY加入hp，係康柏hp合併嘅後果；「紅藍」嘅合併一直產生唔少問題。PY做咗五年離開hp，加入「佐史」。PY從迪吉多時代已經做老頂，論資歷真係綽綽有餘，口才演講了得，台型更加一流。

不過，Herman Lam係從咪記做營銷出身，逐步升上香港總經理，論營銷可以話無得頂，近年積極代表咪記搞對外事務，咗電腦學會同IProA等好活躍。不過Herman做總經理，口吻依然改唔到行銷本色，幾乎句句都係生意經。

不過，咪記總經理同hp有啲唔同，特點係又快又亂，拍乸多到數唔清，條數仲睇得好緊，幾乎寸土必爭。直覺上Herman性格，同調到台灣嘅hp前老頂Felix See似啲，同PY就完全兩種人。

市務部高級總監Anger先生調去負責大中華區Windows業務。自從胡錦濤06年去咗西雅圖咪記總部之後，咪記嘅大陸關係就無乜重大進展，Tim Chen去咗打籃球之後，結果請返佢嘅老友，長袖善舞嘅Simon Leung嚟幫手。Windows係旗艦產品，大陸亦係全球「番梘」最猖獗地區。下星期咪記到杭州搞活動，聽講話Anger先生上台表演印度舞。杭州係咪記响中國首個「雲計算」數據中心嘅所在，又係中國反「番梘」嘅模範城市，可謂落重本投資，Anger先生肯定好多機會，享受天上人間嘅西湖風景。Anger先生好勤力，平易近人，充滿熱誠，相信勝任有餘。

接任Adam Anger做商業及市務部總監嘅Joelle Woo，以前亦做過「佐史」，係CY大學師妹，肯定合作愉快。