IT保安熱話

電信商亦有唔少宣傳攻勢，九倉新廣告一貫載歌載舞，睇極唔明。近期保安產品特別多，剛收到消息，I記同 IXTech合作建公共雲。IXTech係中文大學其中一家分拆出來嘅科技公司，近年較低調，今次同I記合作先記起呢家公司。

IXTech用I記嘅ISS技術，保護數據中心虛擬機器。虛擬化帶動下一波數據中心業務，肯定已成事實，而保安。幾年內，傳統數據中心受淘汰，肯定已成事實。I記嘅SmartCloud起步較早，有唔少捧場客。自從I記收購咗SIEM公司Q1 Labs，改組保安部門，就知I記對保安市場有幾重視。

市場上SIEM產品，以ArcSight歷史最悠久，但已經俾HP收購咗。EMC擁有RSA enVision。似乎O記係唯一無SIEM產品嘅IT公司。有消息話唔少公司亦物色緊收購SIEM，新一代SIEM，可謂奇貨可居。

四月上市嘅Splunk，唔算係純粹SIEM，但股價一市就升咗成倍，即使最近市況回落，仍然企响三十蚊美金上下，保安仍然受市場睇好。

防火牆公司Checkpoint亦响上星期公佈新系列DDOS嘅設備，Checkpoint亦係少數具備保護虛擬環境嘅廠商，但股價一路向下，最近跌到一年低位。HP亦有「安全商業打印解決方案全面睇」，聽日响尖沙咀喜來登舉辦介紹會，內容包括雲端打印，今日連打印都講保安。