IT市場亮點

上星期又傳出馬會網上投注發生問題。馬會、國泰、交易所、銀行同埋機場係本港IT主要買家。上星期傳出獅子銀行裁減IT筆直，進一步裁員。今年本港銀行非常難做，股市炒唔起，樓市又呆滯，唔少集中做人仔業務，近期人仔匯價下跌，業務更加困難，大家都留意其他行業有乜亮點。

馬會積極開拓網上同流動投注，加上馬場內有無線網絡，唔少人用智能電話同平板投注，不過上星期傳出馬會投注系統一度輕機，睇呢馬會今年應該繼續升級系統。今個星期五，馬會IT老頂Sunny Lee亦會出席新加坡電訊主辦嘅SingTel CIO Day，可以聽吓佢聽馬會近年有乜新搞作。

電訊商有唔少雲運算服務陸續推出，今年 SingTel嘅會議有成幾百高層參加，亦應該有啲睇頭。四月初賭城嘅美國全國廣播業協會會議（NAB），聽講電訊魔童亦會去，魔童搞電視台非常落力，不斷向無記及其他電視台挖角，行內人材洗牌，大家成日日食Farewell。數碼化電視用唔少新技術，今年嘅採購亦唔少。聽I記話，數據廣播動用大量IT技術，無綫已經用收視調查嚟自動釐定廣告費，數碼化廣場所獲數據更多，廣播及電訊投資唔會少。

SAP有新老頂上任，呢位Stanley Lam，原本做開Teradata香港同華南地區老總。Teradata專做大型數據採挖，有唔少銀行金融客仔。上星期Avaya收購以色列嘅視像會議Radvision，而Dell就買起 防火牆保安SonicWall。Dell舊年已經收咗Force10，仲加埋防火牆，加上前年收咗唔少儲存方案，Dell下年大舉出擊。