2014年9月17日星期三

香港ICT創業人矽谷取經


數碼港同埋科技園剛再合辦香港資訊及通訊科技 (ICT) 訪問團,亦係數碼港連續第三年主辦ICT交流團,九月初訪美國加州,協助本地初創企業加深了解矽谷,優化ICT生態系統,同時與全球投資者建立緊密關係。

美國矽谷之成功,除咗有幾家非常成功大學搞科研,亦因天使投資甚為出色,IT創業夭折率極高,風險基金眼光好緊要。聽講數碼港總裁Herman Lam訪問矽谷,亦獲邀參觀Pivotal,呢間Startup係VMware及EMC嘅技術分拆出嚟,專做雲作業系統PaaS,開業已有成千人。據Pivotal區域產品策略總監Sean Lee話,舊年Pivotal成立,通用電氣(GE)入股十巴仙,用咗一億美金,即係話開波Pivotal估值十億美金。

數碼港又舉辦首屆iStartup@HK「我有大想頭」大專學生創業短片大賽,iStartup@HK由政區政府OGCIO建立,針對科技初創企業嘅一站式入門網站,匯聚初創企業生態系統,可以同其他志同道合創業家交流心得。9月11日至10月20日期間,所有大專院校全日制學生,可用個人名義或組隊參與比賽。成功報名參賽學生9月至10月期間,會接受一連串錄像攝製及創投演說技巧賽前特訓,10月27日或之前遞交一段2分鐘短片,講解新穎創業構思;短片可用英語、粵語甚至普通話錄製,但創業主題就必須圍繞ICT,但唔知炒iPhone 6算唔算數。



沒有留言:

發佈留言