以色列多IT天才

聽VMware大中華老頂宋家瑜話,VMware重視中國市場,公共雲軟件不合乎法規,翻越中國長城防火牆及支援中文有問題,寧願推遲修改,遷就中國市場。中國唔少大型UNIX系統,棄用傳統UNIX主機,朝虛擬化發展改善穩定同性能。VMware平台可用X86虛擬,以虛擬化取代以往UNIX主機嘅高可用性工作。

VMware對I記及O記等UNIX主機,構成好大壓力。硬件商以不同方式留客,宋家瑜話有公司竟然响虛擬化數據庫嘅POC,故意少落Patch降低數據庫性能,瞞騙客戶,以為虛擬化平台有問題,結果被客仔發覺,以致非常尷尬。商場如戰場,可見競爭無所不用其極。

講起打仗,唔少IT科技都係軍轉民用。以色列就係好例子,防火牆係軍事技術,全球第一部防火牆CheckPoint來自以色列,Palo Alto創辦人Nir Zuk亦來自以色列軍方,最近收購一家特拉維夫公司Cyvera。Imperva創辦人Amichai Shulman亦來自以色列軍方,但原來以色列人研究儲存亦好在行。

最近,大地瓜幫緊EMC旗下XtremIO推快閃儲存,IOPS好驚人,亦係以色列發明。

如果大家知道IBM XIV,亦係IBM從以色列創辦人Moshe Yanai收購,呢位Yanai先生又創辦Infinidat,發展出新RAID系統,2.88 PB實硬碟,即使是高可用後亦有2.1 PB容量。Moshe Yanai曾開發Symmetric和XIV,前者就賣咗畀EMC,後來再以一機櫃可裝2PB可用儲存,IOPS達到500k。據講以色列軍事用途,亦必須做大數據分析,本港亦有機構訂購用嚟做大數據,Infinidat分分鐘不久亦再被收購。