IT請人

上星期,見到本港專搞科技創投嘅Duncan Chiu,原來渠四月分,已接任香港資訊科技聯會(ITJC)會長。Duncan話今年希望做多啲青年事務,吸引多啲年輕人入行並且創業,亦想搞番Apps比賽,鼓勵人投入科技創作。Duncan參與投資國內IT項目,話科技業須成行成市,先可帶動業內氣氛,所以特別有興趣。

科技行業乏新血入行,業內極之頭痛。其他商會好似香港通訊業聯會(CAHK)亦有相同問題,今年由中信國際電訊老總Stephen Ho出任主席,聽渠講中信請親人,亦花幾個月,破席要錢不是問題,請人就免問。CAHK以電訊商及SP為主,薪高糧準,尚且如此。

香港電腦學會就剛發表Certified Professional of IT(簡稱CPIT)證書嘅調查報告。

CPIT係業內專業資格證明評估系統,評估業內人士知識、技能、能力、工作經驗四方面,確立專業資格,證書由香港資訊科技專業認證局發出,係唯一與資歷架構掛鈎嘅IT資歷,好有認授性。據電腦學會1月問卷調查,CPIT證書受到業內廣泛認同,已成為評估專業水平重要指標咁話。

不過,唔少IT行業細分,一般人掛注考廠方牌照;例如思科及咪記;近期VMware大熱,做基建唔少又要讀埋一份,而部分Vendor(例如賣咖啡,即係而家嘅英特爾保安),更有內部考試,加加埋仲慘過返學,唔怪得入行買少見少。

不過講開科技行業,大家似乎比較關心炒iPhone同埋阿里新股值唔值得抽。唔少大隻佬南下收iPhone,蘋果帶挈唔少IT人有餐晏仔,又要圍六合彩,加上馬季開鑼,希望一朝發達,唔再需要日日對住試卷。