Windows 10還是Windows霎？

上星期香港股市波動，從好處看係香港稱之為流動性最佳市場，可說當之無愧。內地暫時停止IPO，美國市場估值偏低，香港新股上市熱潮又可能重臨，當中不乏內地科技企業，並且在港設點開拓國際市場，不過創科局受拉布影響，Nick Yang只有暫時做孤獨推銷員。

本星期咪記Worldwide Partner Conference佛羅里達州奥蘭多舉行，唔少合作夥伴及產品經理赴會。今年初咪記宣佈Windows 7及Windows 8用戶免費升級到Windows 10，間接免費送出Windows。咪記Windows終端業務經營模式改變，影響唔少夥伴。Windows平台升級係大動作，唔少公司正靜觀其變。

Windows終端設備市場頹勢，流動設備盡係蘋果iOS及Android天下。新一代唔識Windows，加上蘋果個人電腦市佔上升，Android又採用廉價ARM處理器，耗電量低，平板市場一路向上。舊年咪記終於宣佈8吋以下設備唔收授權，但Windows流動設備增長仍追唔上Android，Windows 10可唔可以一鋪翻身？還是依然打邊爐，霎下霎下…

咪記應用支援唔同流動平台，終端市場仍有重大策略意義。臨近Windows 10發佈，今次WPC大會可能會透露新授權細節。咪記中人話，授權方式改變可能影響新PC發售價格，黃金砌機都可能翻生。Windows流動設備亦會增加（目前Android設備利潤好低，生產商投誠一啲唔出奇），但Windows負責零售個位同事，仍唔知將來會點。最頭痛仍係吸引程式開發，今年咪記變相降低Visual Studio價格超過五成，Windows開發工具免費嘅日子，相信亦不遠矣。