2015年11月18日星期三

數學反恐


法國恐襲震驚全球,大城市中以恐怖活動製造恐慌,在歐美各國城市內打游擊,似乎已成ISIS戰略,歐美各大城市有排頭痕。美國發覺伊拉克恐怖活動難以根治,老早轉打情報戰,除咗用大量美鈔收買線人,亦利用數學模型,計算點最有效瓦解恐怖組織,採用有數學界莎士比亞之稱,瑞士數學家歐拉(Leonhard Euler)發明嘅「圖論」(Graph Theory)打反游擊戰(Counterinsurgency)。

美國及以色列都有唔少研究論文,介紹點用數學反恐,是否紙上談兵,就不得而知,但CBS六十分鐘時事特輯亦有介紹,伊拉克歸國軍人點用上述技巧,加上數學模型,响美國麻省Springfield市瓦解街頭犯罪幫派。

不過Graph Theory應用最廣泛,要算係社交媒體。飛卜等利用Graph Theory計算消息點在社交網絡傳播,邊位係Influencer。最近Graph Theory亦用於網絡保安,從程式訪問方式計算係咪受攻擊。三百年前歐拉發明嘅演算公式,今日竟然愈來愈大派用場。

上星期去H3C方案大會,原來WeChat用社交媒體亦已經出神入化。例如有商場部署H3C方案,用咗H3C無線管理方案Intelligent Management Center (iMC),只要掃描QR碼就可自動上網,即時自動加入埋WeChat群組,同商場租戶直接溝通,產品總監Joseph話iMC日後有更多類似方案,針對唔同WiFi應用場景。



沒有留言:

發佈留言