公關調查

近期公關日日打電話嚟做調查，有啲客戶可能想轉吓口味，想搵另外一啲新意思。大家真係要睇實啲客仔。

唔少孖屐亭都打聽有關Online點做。咪記好耐之前，已經下令廣告全力做Online，所以搞網上最熟行應該係咪記。公關公司都話做學做Online推廣，不過網上人流其實好難追蹤，邊位「博架」掂，真係各有各講，信者得救。好多博架都唔係專業，各有正職，大家有機會去Punch Party，就可以知道真係五湖四海。不過今年嘅Punch唔知幾時搞，相信搵場地贊助應該唔難。

最近新興一種行業叫Seeding，即係話到「科林」發言，唔駛學歷，唔駛返工，只要坐響電腦前，不斷開帳戶，發問題就得嘞。有啲人呢啲做「打手」，不過咁樣落去，「科林」啲公信力好成疑問，一味靠估。另外又有啲公司專做調查，邊啲「科林」最大影響力，IBM亦有隻產品叫做COBRA，話可以自動評估分析網上意見。

上期講完Herman Lam過檔數碼港，今個禮拜即刻有搞作。聽日會搞數碼娛樂培育畢業典禮。IncuTrain一向同咪記好多合作，好似可以任用咪記軟件，就令好多人用咗Windows做開發平台。

新年過後，又有唔少人轉工。Crossbeam嘅Marco轉返去F5，跟 Linda，剩低Harry先生一位撐場。以前响B&Data嘅Patrick Lai，返咗去M記，佢以前做FortiNet，而家又做番實蕉。H3C除咗以前ITPartner嘅Erica，亦多咗位由H3C去嘅Cherry。