I記講智慧地球

上到去I記，見到Darren Chan，拜個晚年後，佢竟然唔派利是，而係鳥遞上咭片。望下咭片，原來佢唔再負責儲存系統，轉咗去做System x，即係I記嘅x86系統。I記剛公布嘅eX5技術，可以話係目前x86系統中，支援Nehalem同埋Westmere最強嘅產品，相信其他廠好快會有回應。但係Darren調去專門做System x，可見肯定係今年I記嘅重點。

除咗System x，I記亦會推新嘅Power7。Power7响美國已經搞咗發佈，香港要到三月份先至正式推出。每台新Power7可以安裝一千部虛擬機器，好犀利。四月份hp嘅打印部門IPG亦會有產品發佈，同時咪記會公佈Exchange、Sharepoint同埋Office新版本。未來幾個月好唔得閒。

講起I記，佢哋今年嘅重點係智慧地球，今年老總Dominic Tong亦重點介紹資產管理系統Maximo，因為世界已經好Instrumental，可以通過唔少儀器監察量度，蒐集嘅數據可以用嚟分析，並派送一份行政總裁Samuel Palmisano年頭响英國皇家國際事務研究所嘅演說，原來話全世界嘅三成數據，係醫學影像。香港嘅一條新橋（應該係昂船洲大橋），有成一千個監察器，全天候監控，真係唔講唔知。