I記收購科記的啟示

上星期FortiNet終於發出聲明，表示無同IBM傾收購，結束咗幾個禮拜以來外電報導嘅傳聞，股價就一路照升。英特爾收購咗McAfee，保安廠商變成大熱。

FortiNet主要做UTM硬件，IBM保安產品線唔算多，業務無太多重疊。外間傳聞，應該係 I記應該有夢，不過FortiNet就無心。不過由於外邊有股東逼宮，想FortiNet董事局接受收購，唯有公開否認。

FortiNet嚴正否認，話想保持獨立。事實上FortiNet業務發展唔錯，上個月底公佈Q3成績，收入升咗差唔多三成，超乎市場預期（從O六年至O九年收入剛剛增加一倍，表現好穩定）。本港FortiNet有兩家分銷，包括蛇仔同埋MTech，好勤力向渠道宣傳新貨，證明買得唔錯，用嚟做IPS唔錯，雖然IBM有ISS，不過太過高檔，FortiNet可以話係平民版，而且可以擋QQ，好受中小企歡迎。

不過以創辦人謝青作風堅持理念，好難整合到IBM呢啲大機構。謝青曾經係防火牆Netscreen創辦人之一，同其他兩位清華人創業後，堅持UTM同埋ASIC架構，二千年就離開建立FortiNet（Juniper到O四年收購Netscreen）。Netscreen俾Juniper收購之後，ScreenOS淡出。最近佢哋推出嘅SRX，其實亦變成一部UTM，除咗IPS，加入更多其他性能，路由性能愈來愈高，不過FortiNet走快幾年，防火牆市場開到荼蘼，未來幾年應該好大變化。

不過Juniper過去一年從思科手上搶去唔少客仔，包括香港薄餅最近都開始轉用，加埋交易所，今年大豐收。