魔童再現

上星期魔童出售電訊及寬頻業務畀CVC，集中火力發展電視業務。免費電視業務進入新紀元，魔童曾經擔任全城最短癮電視行政總裁，相信年底開台，可以見識渠响電視業發圍。

年底，免費電視大戰，預計三家獲發牌加入免費電視市場嘅公司，以「城市電訊」最積極招兵買馬，其他兩家電視台做收費電視，製作節目有一段時間，引起話題嘅製作真係唔多。以魔童一向出位手法，絕對看高一線。高威一向係城電主要拍乸，將軍澳製作中心肯定有排有忙。

講起PCCW HKT，據講自從改組之後，Tom Chan領導商業部門，比以前高調好多，管理手法非常細緻，幾乎事事親躬，乜都問得好詳細，比起上一任Gary風格完全不一樣。最近動作多多，例如推出反DDOS嘅保安服務。雖然反DDOS唔算乜新技術，類似「賣咖啡」就擁有好強嘅Reputation Based技術。近期香港唔少公司受到 DDOS攻擊， P仔推出呢類托管式保安服務，應該引起唔少人興趣。

相對於其他海外電訊商，好似新加坡電訊同Verizon，近年積極推托管服務，P仔响托管式服務以往較為低調，反DDOS可以話係一好開端，本地流動商類似CSL亦開始籌備托管服務。Tom Chan做開消費市場，手法比較進取。相信P仔响雲運算同埋流動市場，未來應該有多啲動作。

聽講「單記」老總Michael Chue又升職睇埋台灣，真係可喜可賀，據聞話新發表嘅Backup Exec 2012版本反應亦唔錯。