香港網速全球最快

全球最大CDN,Akamai再公佈舊年第四季全球上網統計數字。原來以平均峰值連線,香港用戶網速全球最快,平均峰值連線速度達68 Mbps。另一項第一係香港大學採納IPv6位址平均達三成幾,亦係全球最高。

以流動上網速度,香港某家營運商高踞榜首。香港同澳洲都係首家上網速度超過100 Mbps,反映香港開始採用LTE Advanced。Akamai稱呢家營運商叫HK-3,好明顯就係CSL。CSL係今年初先公佈正式啟動商用LTE Advanced 300Mbps(LTE-A300)嘅基站,下半年速度會更快。Akamai公佈數據反映舊年第四季;C仔當時係測試網絡,數據可能被Akamai紀錄。

三星嘅Galaxy S4內嘅Snapdragon 800,已支援LTE-A,好多C仔用戶舊年已經開始用。

傳聞話HP有唔少人事變化,負責打印及個人系統老頂Monty Wong離任,Monty以前曾擔任泰國及台灣個人系統總經理,已為HP工作超過二十年。

不過聽講Monty好想返新加坡,所以先至離任。

究竟邊個接任?傳聞好多,其中人選,相信係以前曾經出任IPG老頂,即打印及個人系統合併前嘅部門老頂Alice Ong。Alice離開HP後加盟咗Lenovo,具備管理打印及個人系統兩者經驗,會唔會回巢?