2014年5月21日星期三

小米電視台

美國高通深圳舉辦第五屆QRD大會,即係QRD設計參考大會。QRD係高通為智能手機廠商設計嘅生態系統,生產價格具競爭力既智能手機。

不過,為發燒而生嘅小米,仍然缺席QRD,聽講話原因係渠哋要求功能,已經超越QRD。但唔少廠仍然捧場,人頭湧湧,有成千六人咁多。

美國高通公司大中華區業務發展沈勁提起小米,只係冷冷一句,話小米做得咁大,應該擴展下手機款式。不過講起小米手機,下年出貨量預計六千萬部,可能生產都嚟唔切,當然唔能夠考慮QRD,剛推出紅米Note又用MTK處理器,平板就用咗Tegra,可能更加令高通更不是味兒。

最近小米3減價,唔少人終於得償素願入咗貨。但係隨住更多影視產品推出,加埋小米4K電視再加盒子,似乎並非真正發燒咁簡單,向不同系統內容互通共享,內容先係未來發圍方向,分分鐘好似NetFix咁拍埋電視劇。

剛接來電,前O記嘅Irene Lai去咗P仔Solutions,自從Michael Chue過咗檔,加上收購Compass,市務活動繁頻得好交關,孖屐亭自然招兵買馬,聽講話幾乎每個星期都有活動,忙得交關。



沒有留言:

發佈留言