旅遊人工智能

如果將來住酒店，房間內可能會多一件電器，拉斯維加斯永利酒店客人房 ，會放置Amazon嘅人工智能設備Echo，只要大叫虛擬助手Alexa，就可控制房間燈光、溫度、窗簾、電視等，未來Echo會向客人提供私人助手服務，回答不同問題，一人去旅行亦唔會發悶。

今年IBM亦同希爾頓全球合作，利用Watson人工智能，推出機械人叫Connie，提供禮賓工作。唔少人旅遊之後，上網蒐集大量資料，因此Watson可知道旅客最想獲得資訊，估計並預先提供答案。Watson用途廣泛，例如有兒童遊戲就用Watson作為教育用途，例如Cognitoys推出嘅Toy Dinosaur就利用Watson作為大腦，可同記住對話，一齊成長。

最近，新加坡旅遊網站Zumata亦用Watson幫旅客搵酒店，向網站形容酒店設施，甚至景觀，可叫Watson上網搜尋啱心水酒店，Zumata開發咗Hotel Booking API，可直接向全球60幾家酒店集團訂房，旅遊網站可以整合Zumata技術入網頁，增加收入。但Zumata並唔係首家用Watson於旅遊推薦，另一個著名網站叫Wayblazer，其中一位創辦人仲係I記Watson前總經理Manoj Saxena。Wayblazer亦係用日常語言，查詢各種旅遊要求，甚至直接訂房。

其他旅遊業亦有用Watson；包括阿聯酋國家阿提哈德航空 (Etihad Airways)及德航（Lufthansa），就同 I記有技術協議，採用Watson及流動技術，人工智能技術提昇乘客體驗，唔怪得之呢兩家公司服務水平唔差。

人工智能助理仲有蘋果Google Home，但係上述兩種設備暫時只在美國發售，即使訂番香港，好多查詢功能亦用唔到。如果想用Echo，Amazon已開放Echo開發者戶口，登記後可用Raspberry Pi再加USB咪高峰同外接喇叭，自製Echo人工智能，詳情上http://lifehacker.com/網站搵下就有，幾百蚊有得體驗。