2010年5月13日星期四

香港新景點

固網公司响鬧市豎鐵柱,搞到路政署出信,要電訊公司拆柱。究竟豎咁多柱做乜?睇報紙話為咗光纖工程。香港全條街都柱柱擎天,未來可能成為新景點。

香港環境密集,大部分設施建响地底,經常挖路。光纖埋地底,點解仲响地面豎柱?連承建商都話唔知點解,好神秘。唯一解釋,係固網公司想裝發射設備;如Wi-Fi之類嘅AP。鄭局長都話會收緊申請程序,唔俾固網公司濫用機制。

固網公司受批評,流動電訊商都更加因無限上網誤導,俾OFTA罸咗錢。原來所謂「公平使用原則」,上限只有2GB 一般嚟講,流動電訊商都會向用戶解釋,好多協定會唔用得,所以其實用戶唔應該算係濫用,亦即係話只係正常用途,例如係電郵或者視像會議VC,而家利用Skype 用戶激增,好多父母四圍用手提電腦,同外國留學嘅仔女VC2GB好容易一陣用爆。

一般流動同固網商,都會捆綁Wi-Fi服務,一來增加吸引力,二來分流頻寬負擔。P仔有大把電話亭,變哂Wi-Fi發射站,其他固網商好難追。無線連接中又以Wi-Fi成本最低,但搵地方裝AP,係一大難題。香港係全球電訊商計最密集地區,遲啲中國電訊又話嚟開檔,向電訊商租出安裝設備地方嘅業主,又多一條財路。

今個禮拜新SharePoint終於出籠,咪記已開咗唔少分享會。剛去完一位高人Richard Chui主持嘅會議(唔係咪記中人,不過有時拍乸仲知掟),無乜宣傳之下,竟然有二百幾人聞風而至,大家仲坐足成日,證明知音人唔少。席間有口痕友話,有拍乸想搞本地SharePoint User Group,點知搞到好似「石觀音劉德華板鴨」嘅檔主咁,雞毛鴨血。唉…真係擦鞋都要搵對象。

沒有留言:

發佈留言