2010年8月5日星期四

Teradata鬥Exadata



見到做文件管理Vitova嘅老總Aldous,原來錢果豐果間CDC Software已經入股咗佢哋。前身係 China.comCDC,已經變身成為提供企業軟件嘅公司,咁啱CDC亦無文件管理系統。China.com係最早响納斯達克上市嘅入門網站之一,不過後來兼營其他業務,包括遊戲同埋企業軟件。

Aldous自從收購國內紫光檔案,接咗國內唔少大破席,銀碼唔細,比香港好景好多。國內除咗興文件管理系統以外,亦流行檔案管理系統,國內已經實行咗好耐檔案法,香港仲未立法,可能參考國內或者英美嘅標準,又或者跟番祖家標準。

近期IT行業收購合併好多,傳聞話IBM收購以色列Verint,呢間公司有唔少國防情報生意,尤其係美國中央情報局,更係佢哋大客仔,I記睇中咗佢地有好多政府業務。Verint舊年開始收縮本港嘅數碼港辦公室規模,睇呢收購成事可能性好高。NTT已經宣佈以三十二億美元,收購Dimension DataDimension Data大家可能唔係太熟,但佢地全資持有嘅Datacraft,就係本地主要技術整合商。唔怪得Datacraft一直瘦身,可能想整番靚盤數。近期日本仔買咗好多本地整合商,積極發展本地IT市場。

聽講HP亦有意收購NCR屬下嘅TeradataMark HurdNCR年代,曾經將Teradata起死回生,一舉成名,對Teradata好有感情,而HPCIO Randy Mott以前响Walmart亦係Teradata用家。Oracle本來同HP發展數據庫機器Exadata,後來因為買起咗太陽,第二版Exadata即刻轉由太陽生產(依然沿用番Linuxx86架構),O記同HP馬上無偈傾。Teradata就正正係Exadata嘅大敵。O記全力催谷ExadataHP買起Teradata,就有BI數據庫加專門軟件產品,正式同O記砌過。第二版Exadata本港陸續出貨,好多大客仔睇緊,傳聞話O記每人起碼賣一部,HPTeradata真係要快手,唔係只有食水尾。

IT行業,好多時都靠搞會議展覽推銷,而除咗一啲專業搞會議嘅公司,近年媒體亦加入,如果再加上一啲官方機構,好似HKPC同貿發局,就更加熱鬧。唔少大概IT以鬼佬公司,好似MIGEuro Events咁。不過呢兩間公司好似貼錯門神,彼此舉行嘅活動差唔多,性質日期好接近,真係相煎何太急。

沒有留言:

發佈留言