內容管理成新戰場

香港政府密鑼緊鼓，搞緊「檔案法」，檢討文件內容管理程序，聽講已經請咗Accenture完成檢討，文件管理系統有幾家大廠；包括咗I記ECM（即係以前FileNet），EMC（Documentum），仲有SharePoint（整合咗以前嘅CMS），又有咗香港相當日子嘅Interwoven，不過原來仲有O記嘅OCM（即係以前嘅Stellent），都留意政府有乜行動。

以形勢嚟講，以咪記SharePoint最好，政府有幾個先頭部門開始試SharePoint，聽聞話財爺都睇過Demo。政府只係用緊2007版，不過聽講話效果唔錯，但係 SharePoint响內容管理市場，性能同其他廠商有一段距離，參考案例亦有限，全面化電子政府方案未必會選咪記，所以大家虎視眈眈。十月份I記會推出好多垂直方案。基本上，全個政府嘅工作，都係同管理內容有關，短期內政府又會使錢推動經濟，帶動好多環節，可能係IT界另一重頭戲。

接到咪記老頂PY電郵，宣佈Zoe終於接任Andrew Wong個位，負責開發中小企市場，睇住咪記拍乸。Zoe以前做 HP亦IPG，一向管乸拍同銷售渠道好出色，而咪記更非常靠乸拍去貨。而Andrew Wong就接咗舊雲嚟做，BPOS係咪記嚟緊嘅大破席，投資咗唔少錢响數據中心，點樣向本港用戶推銷雲運算，好考小宇宙。