Gartner話2012年第四季，個人電腦付運量下跌，第四季比對上一年同期，出貨量跌4.9%，跌幅唔細。Windows 8未能刺激銷情，Gartner話鎖量下跌，同經濟環境無關。智能手機同平板銷量，仍節節上升，消費者注意力集中流動設備，缺乏意慾升級PC，長遠前景亦唔好。
平板流行，咪記逐步失去作業系統主導權，一手締造智能電話同平板嘅蘋果，上星期再一次，跌破五百美金水平，原因係供應鍵數據，顯示iPhone 5銷情唔理想，其實只要行吓街，睇吓幾多人換咗Samsung就略知一二，駛乜等大行報告。iPhone無咗教主光環，無以為繼。舊年底Android嘅Apps已同iOS睇齊，如今過埋蘋果埋頭。
中信國際電訊技術部大佬Daniel Kwong，講起手機應用，渠哋剛開發出Apps畀人網上要求報價，採購雲端服務。Daniel話，蘋果Apps難寫，Android嘅 App基本上識得寫Java都會，Compile完變咗Android Apps，結果搞到O記同Google官司不絕。
Daniel講開國內好Hit嘅小米手機，原來渠買一部平價華為，用小米OS擦機後，幾乎脫胎換骨，基本上大部分三星手機，都可擦小米，擦完之後，速度亦大躍進。小米技術唔錯，連晶片商高通都話好。上星期高通首次主持CES開幕，介紹Snapdragon 800，號稱全球最快流動晶片，據講下代小米手機速度更快。
Daniel話最近同Palo Alto合作，推出防火牆管理服務TrustCSI MFS，基本上CPC一直同FortiNet合作，如今再加入Palo Alto，配合ArcSight嘅SIEM推出服務。Palo Alto未上市前，思科傾過收購，但價錢相差太遠，如今Palo Alto上市，搶去思科唔少生意。思科老頂John Chamber下令保安老頂Chris Young，一定今年內進行重大收購，但保安公司愈炒愈高，仲點買得落手？
平板流行，咪記逐步失去作業系統主導權，一手締造智能電話同平板嘅蘋果，上星期再一次，跌破五百美金水平，原因係供應鍵數據，顯示iPhone 5銷情唔理想，其實只要行吓街，睇吓幾多人換咗Samsung就略知一二，駛乜等大行報告。iPhone無咗教主光環，無以為繼。舊年底Android嘅Apps已同iOS睇齊，如今過埋蘋果埋頭。
中信國際電訊技術部大佬Daniel Kwong，講起手機應用，渠哋剛開發出Apps畀人網上要求報價，採購雲端服務。Daniel話，蘋果Apps難寫，Android嘅 App基本上識得寫Java都會，Compile完變咗Android Apps，結果搞到O記同Google官司不絕。
Daniel講開國內好Hit嘅小米手機，原來渠買一部平價華為，用小米OS擦機後，幾乎脫胎換骨，基本上大部分三星手機，都可擦小米，擦完之後，速度亦大躍進。小米技術唔錯，連晶片商高通都話好。上星期高通首次主持CES開幕，介紹Snapdragon 800，號稱全球最快流動晶片，據講下代小米手機速度更快。
Daniel話最近同Palo Alto合作，推出防火牆管理服務TrustCSI MFS，基本上CPC一直同FortiNet合作，如今再加入Palo Alto，配合ArcSight嘅SIEM推出服務。Palo Alto未上市前，思科傾過收購，但價錢相差太遠，如今Palo Alto上市，搶去思科唔少生意。思科老頂John Chamber下令保安老頂Chris Young，一定今年內進行重大收購，但保安公司愈炒愈高，仲點買得落手？
沒有留言:
發佈留言