2013年9月18日星期三

搭尾班車

雖然我們唔可以未卜先知,不過大企業決策,唔係咪有內幕消息,預示春江水暖。冷眼旁觀,可能搵到蛛絲馬跡。

Verizon本土業績一般,歐洲急跌,亞洲區業績亦唔見得太好,仍發動世紀收購,以一千三百億美元天價,收購Vodafone手上持有Verizon Wireless股份,然後再在美國發行四百九十億美金債券,融資收購。

Verizon收購,並唔係Verizon Wireless前景好,主要美國息口低企,所以趁低息發動收購,理道同臨季尾減價,趕住買差唔多,不過減價最易買錯野,不過返正價又驚買唔番。上兩年,日本多宗收購;包括NTT收購大地瓜及Integralis,KDDI收購DMX。2012年總計日本企業海外收購共超過一千一百二十億美元,破晒紀錄,跟住今年日圓匯價回落超過一成,唔少日本企業恨錯難返,以日圓升計,今日收購已經賺咗。近期日本三得利,再收購葛蘭素旗下葡萄適與利賓納,日圓係咪仲有下調空間?

同樣,Verizon千億收購,係咪代表息口即將從歷史低位,預兆回升?Verizon發債受到追捧,投資銀行紛紛勸客仔趕尾班車,更多收購即將出現,好似迪士尼放煙花,臨尾炒多轉。但美元趨升,打擊海外收入,所以唔少國際化IT公司已經好頭痛,因為業績折算美金,可能水瓜打狗。

Twitter終於上市,因為飛卜見家鄉,但Twitter盈利能力唔及飛卜,亞洲區又有Line又有微博,加上盈利唔穩定,不過趁住熱鬧,大家趕尾車,仲可以走多轉。

沒有留言:

發佈留言