有人辭官歸故里

十一月底，最矚目新聞當然係「佐士」買咗「蛇仔」响香港、新加坡同馬拉業務，成為全港最大分銷商，總代價一億三千萬美金，約十億零一千四百萬港紙。十一票編號：529）市值有幾高？以上星期收市三蚊計，大概只係八億三千幾萬港紙，蚊。

以營業額計算，蛇仔可以話本港最大，加埋佐士，大上加大，所有主要牌子都包括哂。蛇仔比較專注，佐士業務就較多元化，發展大陸市場比較積極。蛇仔話會轉做分銷管理服務（Distribution Management Services），相信唔止係IT產品，繼續發展手機業務。蛇仔分銷牌子包括台灣HTC手機，另一家分銷商聯強亦响大陸做分銷諾記，生意非常之大。

蚊仔手頭現金咁多，可以做乜？分銷大概唔駛揸住十億現金。舊年公佈淨資產值近十億，今年肯定唔止。盈利何以為繼？就唔知咯。

佐士原本做辦公室自動設備，九十年代先後收購東寶系統同埋Microware，估唔到蛇仔都收歸旗下，變成本港最大IT拆家。印象中東寶系統主要做個人電腦，Microware教育市場好強，但佐士同蚊仔分銷產品相當重疊，相信唔少渠道夥伴，同時幫趁呢兩間分銷商，合併嘅協同效益有幾強？亦係唔知。市場上有能力嘅分銷商數目一向唔多，佐士加上蛇仔，同大廠商議價能力即刻提高。IT拆家唔易做，走得夠快，實力要強。

今年收購可謂唔少，DataCraft同埋DMX被日本嘅電訊商收購，香港IT行點解咁值錢，耐人尋味。好多IT公司見價錢咁好，一半都話制，發夢可能無咁早。