2011年12月21日星期三

雲端送暖 人間有情

雲端打印有乜用?用途可能數唔哂,用咗雲端打印,毋須電腦同驅動程式,只要傳送文件去一個伊貓地址,就可打印出嚟。
流動設備愈嚟愈多,外國公共地點好似大學或會所,索性用e-Print俾人打印存檔,任何手機或者平板送到伊貓,都可雲端打印。
HP係第一家推出e-Print雲端打印,最近用e-Print嚟做善事,考驗大家創作能力,向癌症小朋友遙寄祝福,佢哋早日康復。
香港「麥當奴叔叔之家」座落沙田多石街,住咗廿幾位癌病病童。本港唯一嘅兒童癌症中心,設响沙田威爾斯親王醫院附近,小朋友做化療治癌,每日來回屋企沙田會好辛苦;呢個中心俾病童療程期間寄住,設備齊全,父母仲可以煮三餐照顧小朋友。不過參觀之後,最大發現係原來裡面竟然係無漢堡包同炸薯條,大概病好先有得食。
病童抵抗力弱,唔單止唔能夠返學食老麥,父母入房要先消毒。「麥當奴叔叔之家」環境唔錯,始終同外間隔離,小朋友抵抗病魔,住院好寂寞。
HP响「麥當奴叔叔之家」放咗一部Envy eAIO雲端打印機,只要傳個伊貓去esmiles@hpeprinters.com,就會印出嚟小朋友向佢哋打氣,大家可以傳送Word PDF JPEG,HP就捐出十蚊俾中心嘅慈善基金。大家上Youtube睇esmiles宣傳短片一次,HP亦會捐一蚊。
http://www.youtube.com/watch?v=PSLNj2Oyghs

沒有留言:

發佈留言