2012年5月30日星期三

CIO要識政治


上星期單記响馬交搞Symantec CIO Engage 2012,星光熠熠。除咗做咗嘅政府CIO嘅會長Daniel Lai,仲有地鐵Ed Suen,馬會Sunny Lee,兩電IT老頂現身,唔怪得單記老頂Michael年年爆數,好有辦法。

講起CIOI記有四成盈利靠服務,包括GTSGBSGBS做商業應用,GTS主攻基建。以營業額當然GTS高好多。I記好注重本港市場,駐守本港嘅GTS阿頭亦高級別GIS總經理Mark Latchford,之前係太亞區整合技術服務嘅銷售總經理。I記各部門阿頭之中,以渠職級最高,平日最鍾意搭地鐵四圍走,半年已經係香港通。

渠解釋其實CIO角色不斷轉變,以前只係推出應用畀用戶,呢幾年唔少商業服務靠IT。近期雲端服務不斷增加,技術標準化之後。渠預測未來CIO做商業整合,多過搞技術整合。

 CIO水漲船高之餘,從幕後走向台前,考驗亦愈來愈多。IT業務成功,仲可能涉及好多部門協調,必須更多遊說工作。例如銀行業推出網上同流動銀行服務,就必須好多內部協調,如果有心無力,CIO被炒機會,分分鐘高過CFO

以渠見過咁多CIO,邊位印象最深刻?渠話以口才,迪士尼嘅Emily Chan最出色。CIO要推新破席,取得內部支持,唔能一味只講技術。渠大讚Emily簡直具備政治家才能。查實呢位呢位Emily真係技術出身,加入迪士尼兩年做基建後,早兩年升正CIO,唔係講就天下無敵果種。

沒有留言:

發佈留言