思科在港二十年

薄餅嘅「魔童」搞香港電視，免費牌未到手，已經當真咁做，去到EMC春茗，遇見香港電視位女主播Carmen Wu，正在跟新聞，跟住到咗思科春茗，同系統工程師總監Garrick Ng講起，話香港電視製作中心，唔少技術採用思科數碼電視技術，如果獲發牌，肯定係思科全球省招牌之作。

Garrick話魔童曾帶領七十人代表團，訪問三藩市思科總部參觀，包括Macroview一眾老頂隨行，魔童曾多次美國取經，高威PH都跟過團。但特首話明發牌好複雜，可能比思科技術仲要複雜。

講起思科，以前管商業市場嘅Fiona去咗管拍乸，渠話本港係思科今年在港創立二十周年，今明兩日响灣仔君悅酒店搞咗Cisco Connect，介紹思科拍乸最新科技。老頂芭芭拉話渠哋UCS，銷量响本港已去到第二位，唔怪得Cisco Connect「策略贊助商」竟然係英特爾，白金贊助商係九倉電訊，證明出貨真係好勤力，推咗唔少UC畀客。

新年河床搞拍乸會議，收購之後，終於見到Opnet嘅負責人，原來係長駐新加坡嘅Daniel Chu，以前果位香港負責人Tixon Law，老早過檔去咗Attachmate做SE經理。講起Attachmate大家可能唔多熟，呢個私人投資集團，亦擁有好多年前紅極一時嘅Novell，其他包括SUSE同NetIQ等產品，生意唔細，Tixon以前亦做過Opnet競爭對手Netscout。

不過Opnet呢類產品，十年唔發市，發市當三更，唔多值有太多人長駐一地，SE都係空中飛人。講起NetScout，Fireeye現任SE經理Matthew Wong，亦曾任NetScout全球SE，某大發鈔銀行用緊NetScout，以往馬不停蹄英美兩邊飛，雖然人工真係唔錯，都係番嚟做番本地市場為主嘅「火眼」好過，況且「火眼」今年上市在望，等吓Pink Form好過。