2015年6月24日星期三

雲運算成為業績亮點


會長Daniel Lai榮休,OGCIO總監一直懸空。政府終於宣佈,現時科學園企業發展總監楊德斌接任,下月二日履新。Allen Yeung係去美國德州大學讀EE,再去矽谷San Jose工作,投身晶片業,先後入Seagate、LSI、最後入Cadence後派回港。Cadence較少人識,主要做IC封裝設計,國內唔少客仔,包括華為。後轉投到私募基金做投資顧問,最後入咗科學園,建立本港科技生態發展,推動創業生態。

原來Allen係蘇浙公學81畢業,會考成職優異, 83年讀完預科後赴美,最近校友相聚亦出席。

當年蘇浙唔少舊生唸IT,剛好迎接科技熱潮,培正亦有唔少出色校友,點樣培養中學生對科技熱情,可能渠有心得。

美國上市熱潮回勇,上星期穿戴產品Fitbit紐約上市,首日股價升六成,顯示市場資金充裕,年內仍有多家上市。Fitbit市價達到六十一億美金,本港老頂Yolanda飲得杯落。Yolanda之前任職嘅Promethean,英國上市後蒸發咗九成市值。Fitbit已經開始盈利,增長數字唔錯。

Fitbit可量度心跳、睡眠、步行數據;用戶有唔少名人,包括三人組組長林鄭月娥及美國總統奥巴馬。Fitbit及Jawbone可算係本港最流行穿戴裝置牌子,中國小米手環則低價取勝。

今個星期,I記收購SoftLayer一周年有慶祝活動,並成業績亮點。不過,AWS亦好積極開拓企業市場,聽講前Nutanix大中華區Ahim Kho亦去咗AWS。



1 則留言:

  1. Did you think about picking the most recommended Bitcoin exchange company: YoBit.

    回覆刪除