2015年6月17日星期三

Kaspersky遇襲


自從「棱鏡門」事件,斯諾登事件揭發美國國家安全局(NSC)大規模監控,中國政府提高「自主可控」要求,即使本港中資企業亦要考慮國產IT產品,加上澳門賭業下滑,IT廠商莫不叫苦連天。

如果未有斯諾登事件,中國政府要求企業用國產貨,一定被標籤為保護主義,但美國理虧在先,亦只有啞子吃黃蓮。最大受影響,莫過於思科及豬扒。豬扒以營運商及服務供應商為主,影響唔細。思科則受到華為夾擊,市場及產品範圍更大,加上「棱鏡門」,內地業務更難做。思科新老頂Chuck Robbins係Field Operations,對於業務運作非常熟悉,有傳新舊老頂快將訪華,內地人事可能變化,大中華老頂Owen Chan有排忙。

不過中國IT保安技術,仍遠遠落後於美國,思科積極開發保安,增長機會仍在。據Symantec報告,最高級惡意程式,均集中於國家級間諜活動,包括從東歐出擊,專攻能源供應商嘅Dragonfly,好少出自中國工廠。

最近,俄國殺毒廠商Kaspersky Lab系統亦受入侵,工具係Duqu變種,叫Duqu 2.0,同時用上三種零日攻擊,成本高昂,技巧高度專業。業內人士話,Duqu 2.0係今年最強勁病毒。估計攻擊Kaspersky,係為進一步攻擊其客仔。IT保安公司遭入侵非首次,四年前RSA被攻擊,目標亦係RSA國防部客仔,呢種攻擊叫供應鍵攻擊,從供應商軟件入手,更難於防範。

據報Kaspersky老細Eugene Kaspersky大怒,背後高手亦非省油的燈,黑客變大生意,不問可知。

沒有留言:

發佈留言