共享經濟與旅遊生態

自從英國公投脫歐，英鎊急挫；另一效應，係中國大陸遊客，蜂湧前向英國掃貨，英國國家旅遊局已在廣州開業，英國機場已有普通話大使，大量中國遊客購買奢侈品，英國倒履相迎。上月，中國旅遊協會統計，中國遊客滿意度最高，依次序係英國、德國、澳洲。英國已係中國遊客最賓至如歸國家。

2015年，英國旅遊局通過網上投票，為一百多景點改中文暱稱；倫敦Mayfair男士西裝店林立嘅Savile Row，命名為「高富帥街」；景點改名增親切感，無本生利，可謂絕橋，據講中國遊客甚受落；往英人數大幅增長。

中國遊客用Airbnb增長速度驚人，法國Airbnb就錄得超過兩倍中國遊客增長。英國用於Airbnb物業錄得高速增長。據Airbnb統計，今年倫敦出租民宿增加超過五成，平均房價已跌破一百英鎊，加上匯價下跌，倫敦變成旅遊天堂。

Airbnb亦寄厚望於中國遊客，助Airbnb取得盈利。中國最大民宿租住網「途家網」，近期推出好多英國活動。法國為咗推動旅遊，已不惜得罪的士業，放寬Uber經營（法國法庭只裁定UberPOP服務違法，其他Uber服務仍然正常），法國地鐵治安麻麻，遊客幾乎用Uber，Uber上車時已計車費，司機唔兜路，地點亦確定，接送地點非常之精確，基本上唔會去錯地點。

Uber宣佈以Microsoft雲端Azure，以容貌識別技術，開車前確定Uber司機身份。手機認唔出司機容貌，基本上不可登入開工，安全性比一般的士更加高。遊客注重安全，又最怕被濫收車資，共享經濟推動旅遊，可能有日成為常態。