打印新用途

進入第四季，新產品陸續出籠，包括幾部HP新雲端eAIO噴墨打印機，支援ePrint技術。講起ePrint，可以話係HP獨有雲端打印技術，每部eAIO都可以直接無線上網，本身又有電郵地址，只要將要印嘅用容傳送去呢個電郵，就可以遙距打印。此外，亦有唔少雲端Apps，好似iPhone咁可以單撈，從網上訂閱資訊，按時自動傳俾訂戶。

聽IPG嘅Janis Wong話，eAIO好多妙用，有好多HP同事突然想要屋企阿姐加餸，响網上搵好圖片，用ePrint網上傳送圖片，直接列印番屋企俾阿姐，按圖索驥去街市買，免致言語不通，買錯哂嘢。下次如果見到賓賓，攞住大疊圖片，趕去街市買餸，就可能係Janis屋企位姐姐。

雲端打印仲可以免費打印各地地圖、樂譜、兒童填色遊戲、旅遊資料等…不過目前呢啲Apps，都係美國來路貨。唔少本地幾時有SDK俾大家開發。HP亦傾緊例如金寶湯、史雲新之類，開發一啲啱本地嘅Apps，將來有乜時令食譜，煮婦想知道今晚乜餸最抵，買齊乜配料，合時滋補之餘，仲慳返唔少紙。Janis話啲旅遊書、食譜、餐廳指南，又多一條財路。HP自己就同連鎖咖啡店合作，俾大家試吓印咖啡現金券。

香港有幾多呢類高科技煮婦？真係難講，不過而家知道，至少HP應該有幾個，用雲端技術，諗下點樣持家有道。