2010年10月28日星期四

七吋釘與十分吋

蘋果又出新Air,價錢仲低過一千美金,今個星期一响香港辦公室搞記招。賺咁多錢慳成咁?聽講話太匆忙,訂唔切酒店。但七千幾蚊港紙買部Air,加個Fusion又可以行埋WindowsNotebook市場有好戲上演。

不過iPad成功,惹嚟唔少七吋嘅競爭者;包括咗ViewSonic推出ViewPad 7,亦講明屏幕只得七吋。不過Steve Jobs突然蘋果第四季財務會議,竟然向RIM開火,話iPhone銷量超越Blackberry,又話RIM即將推出嘅PlayBook平板太細。其實幾乎新出嘅Tablet,熒幕都只得七吋,蘋果話研究過,消費者唔會接受呢個尺吋。七吋對十吋,令人想起較早前Steve Jobs引發嘅FlashHTML 5嘅爭論。

RIM老頂Jim Balsillie即刻反擊,話PlayBook支援Flash,比蘋果iOS嘅封閉系統好好多,又話7吋平板肯定係市場主流。但據Steve Jobs講法,Flash係即將「進入墓墳」嘅技術,未來主流係HTML 5。自從教主開腔,網上唔少人比較兩種技術優劣,傳統上Steve Jobs押注準確。今次即使連另一位Steve,咪記嘅Ballmer都同意HTML5係明日之星(雖然佢撐咪記Silverlight技術,仍比HTML 5成熟啲)。如果俾兩位Steve講中,黑莓分分鐘變倒霉。當然,大家可從RIM同埋Adobe股價走勢,估到市場睇法。

RIM目前仍係智能手機第二大廠商,成為攻擊目標好正常。不過兩間公司新仇舊恨,已唔係第一次。上一次係 iPhone天線事件,Steve Jobs利用Blackberry Bold做同樣實驗,表示大家天線都有接收問題。iPhone有接收問題,點解拖RIM落水?真係唔明。但iPhone熱賣,唔少IT部門响用戶要求下,被迫轉而支援iPhone

另一方面,咪記智能手機 Windows Phone 7响香港推出時間一再推遲,原因似乎係手機未到,摩記已退出Windows手機市場,廠商主要有LGHTC及三星,其他包括Dell及台灣嘅華碩,網上睇賣相的確唔錯。


沒有留言:

發佈留言