Akamai做乜架？

本港科網股異動，騰訊愈升愈有，尤其又傳言阿里巴巴再度上市，馬雲又有再有新搞作，牽頭搞「菜鳥計畫」做物流，投入資金超過三千億人仔，其中一家股東竟然係大家好熟嘅順豐。

美國科技股就無咁精采，唔少股價表現低迷。近期亮點可以話係Akamai，從四月份開始炒起，從三十幾美金上到四十六美記，認真犀利。香港台灣請咗以前PacNet嘅Alice Ting坐鎮。講起PacNet，聽講近期提昇客戶質素，所以太細客唔再收，搞到有啲SMB好頭痕，唯有轉去用P仔One Communications。

Akamai一直請人，想打SMB市場，本港賣SaaS唔係咁易，加上認識Akamai一向係大企業（仲要跨國），SMB知唔知CDN係乜？真係難講。Akamai幫唔少大企業，做廣域內容傳送，可能我哋日日都用緊渠哋服務，係雲運算先驅，但知名度差咗少少。Akamai係美國麻省理工研究成果，但其實好多炒Akamai嘅投資者，都唔請楚渠哋做乜。

响市場請人仲有做保安諮詢嘅Integralis，主事人係Catherine Kung，聽講亦請緊人。大地亦話生意唔錯，思科出貨唔少，仲話已經過咗P仔，唔少破席同雲有關。

青島海信嘅海爾嘅旗下公司，最近公佈响美國沃爾瑪百貨店，出售低於一百美元嘅平板電腦Sero 7，售價99美元，7吋平板採用雙核心，超抵。聽講Windows 8嘅銷量亦有啲起色，各廠家積極推銷，猛落廣告，唔少整合問題亦一一解決。