日本Interop

自從雅虎由Marissa Mayer接手，以十一億美金收購完美國微博公司Tumblr，上星期又收咗免費聲音會議平台Rondee，向。過去一年，雅虎股價表現唔錯，一直向上，市場對新管理層似乎信心十足。

上星期，香港雅虎搞嘅Yahoo! 超市開張，推出日本食品直銷服務。中日矛盾升溫，不減港人日菜熱情。但唔少所謂日本餐廳，食材基本上唔係來自日本，以往嘆日本食材，惟有坐飛機。

雅虎夥拍幾間日本公司，包括港人熟悉嘅Oisix及冷凍食品速遞出名嘅雅瑪多宅急便，食呼包括福岡黑木巨峰提、宮崎雪花和牛、北海道毛蟹，全部係港人鍾情嘅日本食材；圓匯下跌，有利日貨出口，Yahoo! 超市開業合正時機。

講起日本市場，雅虎美國市場表現一般，日本就超掂；流動通過廣告尤其成功，檢索及商貿（好似拍賣就擊敗eBay）盈利犀利。2012年，日本Yahoo!嘅總營業額，達三十五億美金，毛利達九成，咁嘅生意去邊度搵？半年來，日本Yahoo!股價升咗五成左右。近期日股有波動，日本Yahoo!只係略為調整又向上。

上星期，日本亦舉行Interop，美女如雲；唔明白網絡技術展覽，唔解好似搞到好似選美？日本人搞IT展覽，一向風格唔同，入場率又極高，上網研究有關日本interop相片報導，立刻有答案。