科技業成新西蘭第三大出口

本星期貿發局春季電子展及ICT國際資訊科技博覽，不少外國公司亦遠道而來。而新西蘭貿易發展局公布當地三家公司參加，成績唔錯，話科技業已繼乳業和旅遊業，成新西蘭第三大出口創匯產業，舊年出口值達七十億新西蘭元，創造六萬二千就業機會，係最高收入行業，以當地只有四百五十萬人口計算，比例相當高。

新西蘭山明水秀，吸引科技人移居，前本港Fortinet系統工程師Jack Chan亦返回新西蘭任職，彼邦生活愉快；雖然股市成交額好難及上香港，自由行亦少去新西蘭購物。

下星期CAHK舉辦物聯網會議，配合政府資訊科技辦公室國際IT匯，會長退休後，今年OGCIO署理Victor Lam負責出席，搵人唔易。Nick Yang高調成為創新及科技顧問，OGCIO前景如何？耐人尋味。

I記連續十一季業績倒退，部分股東不滿；有傳股東尋求Valueact Capital向I記施壓，Valueact曾成功向咪記逼宮改革，據講Steve Ballmer亦因此「被退休」，Valueact主席更入咪記董事局。美國有新名詞，叫Activist基金，專門針對管治不佳公司，入股迫使管理層改革整頓，愈來愈多股東尋求Activist出手打救。Valueact成長驚人，管理資產已超過三十億美金。

但並非每家Activist入主後有好表現，河床被Elliott Management購入，結果被Thoma Bravo私有化兼拆骨。Elliott亦持豬扒達8.7%，持續干預董事會，無帶嚟正面影響。I記老頂Virginia Rometty受董事會信任，短期大變可能性不大。

另一家IT巨人HP，自從EMC合併傳聞告終，盈利好轉收入仍下跌。Gartner公佈今年首季全球PC付運量下跌達5.2%，受桌上型電腦出貨量急跌。HP嘅PC部門受打擊相信唔細。

聽聞澳門賭業股近一季表現疲乏，中央打貪加上自由行減少，今季IT行業考驗唔少，分分鐘五窮六絕。