2015年4月22日星期三

潮流興電車


明天係香港Splunklive大會,Manulife及海事處有專題演講,Splunk用戶群之中,以馬會最有名。舊年演講嘉賓有利豐、建行、8 Securities,超過三百幾人出席,算係唔錯。

Splunk專挖機器數據,用不同形式圖表呈現資料關係,美國有門學科叫Data Visualization,其他流行工具包括d3js.org,類似數據視覺化工具,用於顯示保安特事故別有用,資料化成圖表,好容易發現保安漏洞。Manulife監察Oracle數據庫、WebSphere等應用。但海事處則用嚟讀雷達資料,結合航行資料及地圖資料,變成動畫顯示,更容易知道航線偏差事故。

除咗唔同應用,Splunk亦可研究流動用戶行為,介紹新發表工具MINT。唔少營運商用緊Splunk,相信唔少營運商出席。

今日香港生產力促進局九龍塘達之路生產力大樓,舉辦首屆「最新汽車市場及科技發展分享會」,北京清華大學學術委員會副主任歐陽明高教授演講,歐陽教授乃「中美清潔能源聯合研究中心」中方主任;主導國內電動車發展,力挺比亞迪混合動力「秦」系列,話係中國最好電動車。比亞迪受惠政策支持,但「秦」一直斷貨,難買過iPhone。寶馬車廠麥浩然亦出席,相信講吓BMW i3。但係本港最好賣嘅,唔係比亞迪或i3,而係Tesla,反而無代表出席。本港成街Tesla,保養及補品生意大有可為。Tesla快速充電站愈來愈多,正於美國內華達州建工廠,稍後推出家用電池產品。比亞迪先出電池後進軍汽車,Tesla剛剛相反。外電報導Tesla量產電池後,售價有望大幅下降,歐洲車廠急謀對香港曾經係電池生產中心,理大好早研究電動力,暫時兩個市場都落空,希望快啲趕番上車。



沒有留言:

發佈留言