黃衫與紅衫

四大軟件企業之中，SAP做商業應用，O記從數據庫，追住SAP或者I記，而家軟硬都做，咪記就乜都做，而單記就主要做保安及基建，上星期見到「單記」老總Michael Chue。徐先生以前曾任職O記，四大軟企做咗兩家，後來加入Veritas，「單記」收購咗Veritas，變成黃衫軍阿頭。

「單記」同咪記關係好密切，除咗咪記本身，有最多嘅軟件在Windows平台上，雙方關係好緊密。

提起黃衫軍，亦應提番吓紅衫軍，兩間公司出哂名，經常都互撬牆腳，不過M記主要做保安，業務無「單記」咁闊，又做基建又搞儲存。M記香港及台灣阿頭Leo Chan啱啱轉工，不過唔係去「單記」。佢响M記好耐，起碼都有八年咁長，原來返大陸賣蘋果。iPhone剛剛登陸大陸，一般嚟講（香港就係咁），用家玩開iPhone，亦會買隻MacBook趕潮流，大陸人咁鍾意奢侈品，蘋果應該愈來愈紅，果然識時務。

F5高層Marco Ong轉咗工，Linda Hui少咗位得力助手。Macro去專門做實蕉整合嘅Crossbeam。Crossbeam專門做網絡保安整合同埋虛擬化，比較冷門，上網睇完一輸，果然好深奧，唔係個個睇得明，亦唔係人人買得起。