2010年4月22日星期四

冰島聯想

冰島火山灰飛揚,全世界航空大亂。歷史上最勁嘅火山爆發,可能係紐西蘭北島Lake Taupo公元前181年,中國同埋羅馬史書都竟然有記載。大家睇吓地圖,就知幾犀利。

航空交通癱瘓,最開心當然係VC嘅廠商。經濟唔好,舊年VC生意反而好咗。航空公司損失慘重,公 司業務受阻,可以考慮裝返個Tandberg T3或者HP Halo,有機會借題發揮嘞。

陳南祿有新作,叫《Great Cities of the World》,港大亞洲研究中心出版,話世界最重要嘅城市,都同貿易運輸有關。歷史上長安、威尼斯、羅馬興起,都同貿易樞杻有關。近代航空業改寫城市發展,好似香港同新加坡,就因為及早發展航空,有大量航權安排,加上地理位置,成為新一代大城市。不過,航空交通好脆弱,經常受好多因素困擾。

Philip Chan曾經係國泰港龍老頂,解釋航權安排,分析客貨流量數據,絲絲入扣。陳南祿話新書其實係演繹佢多年嘅「理論」,可能因此文筆嚴肅。新書又用英文寫,可能想引國際迴響。科技改變人類溝通方式,電訊點樣令城市發展,就無再探討落去咯。

上星期去到ICT Expo,好似八成以上都係周邊設備廠商,唔少又係手機,又係GPS,好似去錯咗鴨寮街咁。電腦廠商之中,印象中較大就似乎只有思科,仲係由分銷商負責。電訊商最大就係中國電信同埋第一線。

中國電信嘅展館由Pico設計,佔十個攤位,富中國特色。聽中國電信孖屐亭 Leo話,下年會擴張一倍展館。

沒有留言:

發佈留言