2010年4月15日星期四

ICT Expo新貴


到咗年中,有唔少電腦展覽同埋會議,雖然今年市場好似窄咗少少,其實有唔少新公司入咗嚟開發市場,細心發掘吓都應該唔錯。

今個星期,又係貿發局嘅ICT Expo,好多電信商及服務供應商參加。今年唔少參展商都係中國大陸有關,唔少電信商都好活躍,包括P仔、RelianceOrangeNTTATTVerizon,加強响香港推廣,香港屬於中國一部分。今年ICT,聽講中國電信會大展拳腳,做多啲宣傳。

中國嘅固網電訊業發展,向有「南電訊、北網通」嘅講法;網通、聯通合併後,目前就變咗「北聯通」。中國電訊獲發3G牌後,加埋中移動,又成為 3G鼎立局面。最近公佈成績表,雖然中國電信攞咗CDMA2000牌照,唔算最好,但業務增長竟然好驚人,增幅拋離中移通,聯通取得最有優勢嘅WCDMA牌,業績反而仲退步,眼鏡碎一地都係。

中國電訊一向低調,其實佢哋數據業務亦好活躍,今次可能係進軍本港市場嘅試金石。

今年嘅大參展商,除咗聯想、思科、中國電信、金碟、第一線等,仲有一家福建為基地嘅電子集團叫萬利達( Malata),生產研發電子信息產品。呢家廠商嘅產品線非常強勁,不過香港電子消費品牌競爭激烈,難打過木人行。有啲中國電子企業規模好大,已經唔係山寨,萬利達產品線好闊,追求經濟實用嘅用家,應該覺得吸引。

綠色科技當道,部分廠商好似ATD咁,亦推出好多綠色科技,今年ICT Expo幾有睇頭。

沒有留言:

發佈留言