下半年市場熱鬧

據Symantec嘅Lawrence Li 話，七月開始單記會有多項產品推出，包括全新技術嘅防毒工具，利用單記全球嘅病毒記錄，完全杜絕病毒入侵，而虛擬化亦有唔少產品，下半年好多機會見面。MessageLab亦推唔少雲端服務，除咗保安亦有災難復原等，不過唔講唔知，MessageLab亦由Michael掌管，果然係更上層樓。

除咗單記，下半年唔少電信商亦推出雲運算，非常熱鬧。今日中信國際電訊亦同 Dell一齊宣佈推出「SmartCLOUD – 雲端運算解決方案」。

本港嘅網上房地產平台GOHOME.COM.HK宣佈話委任蘇嘉媛小姐做區域總經理，呢位 Catherine小姐原來係靚女一名，以前係TOM.COM嘅集團副總經理，亦做過STAR TV，哈佛大學畢業，主修經濟。GOHOME由澳洲上市嘅IPGA持有。IPGA專門响亞洲做地產網站，主要市場响新加坡同馬來西亞，馬來西亞仲剛剛開始賺錢。二OO七年IPGA以九百五十萬港元收購咗GOHOME.COM.HK。據IPGA剛公佈嘅全年業績，舊年全港有八百幾家地產代理用緊GOHOME網站服務，二O一O年度嘅香港嘅收入大幅增長咗七成七，總收入只係七百二十萬港元，暫時唔夠買港島區一個中型單位。

生意難做，正籌備美國上市嘅迅雷，聽講已經閣置。自從「混水」指「嘉漢林業」造假，股價大瀉八成，誠信危機令中國概念股份雞毛鴨血， TMT股份（科技、媒體、電訊）急挫，目前華爾街最流行詞彙係「Short China」，又話中國經濟過熱，溫總理出訪前亦要解畫，話中國通脹正在受控。迅雷趕唔及尾班車，可能要等多陣，不過Google及新聞集團老闆梅鐸都係投資者，迅雷後台硬，上市應該無有怕。至於華爾街沽唔沽空到中國